თბილისის მერიის ყოფილი თანამშრომელი ოთარ აბესაძე დღეს სასამართლო დარბაზიდან გათავისუფლდა. აბესაძის ადვოკატის ლილი გელაშვილის განცხადებით, სასამართლომ დაცვის მხარის შუამდგომლობა დააკმაყოფილა და ბრალდებული გირაოს სანაცვლოდ გათავისუფლდა:

„სასამართლომ დააკმაყოფილა ჩვენი შუამდგომლობა. დღეს წარვადგინეთ ექსპერტიზის დასკვნა, სადაც საუბარი იყო რომ მისი ჯანმრთელობის მდგომარეობა საკმაოდ მძიმეა და სასამართლომ აღკვეთის ღონისძიება შეუცვალა 10 000-ლარიანი გირაოთი“, – განაცხადა ლილი გელაშვილმა.

სახელმწიფო უსაფრთხოების სამსახურის ანტიკორუფციულმა სააგენტომ ქრთამის აღების ბრალდებით თბილისის მერიის თანამშრომელი ოთარ აბესაძე 2017 წლის 12 ივლისს დააკავა.