აზერბაიჯანელი ჟურნალისტის აფგან მუხთარლის საქმეს მისი ქართველი ადვოკატი არჩილ ჩოფიკაშვილი ეხმაურება. საუბარია მუხთარლისთვის პატიმრობის შეფარდებაზე და მის საქმეზე ევროკავშირის მიერ გავრცელებულ განცხადებაზე.

ადვოკატი მისი დაცვიქვეშ მყოფის მიმართ მიმდინარე გამოძიებას სკეპტიკურად უყურებს. ჩოფიკაშვილის თქმით, იმედი გამჭვირვალე გამოძიებისა და დამნაშავე პირების დასჯისა, ძალიან მცირეა.

„დღემდე არაფერი არ შეცვლილა გარდა იმისა, რომ გამამტყუნებელი განაჩენი გამოიტანა აზერბაიჯანის სასამართლომ. ეს ადამიანი იმყოფება არაადამიანურ პირობებში. მივმართეთ ევროპის ადამიანის უფლებათა საერთაშორისო სასამართლოს, საქმეს მინიჭებული აქვს პრიორიტეტი და იმედია, რომ საერთაშორისო მექანიზმების გამოყენებით მოხდება ამ ადამიანის უფლებების აღდგენა. ფაქტია, რომ მიუხედავად არა ერთი საერთაშორისო კომენტარისა, ქვეყნის შიგნითაც ჩავარდნების აღიარებისა, დღემდე წინ ნაბიჯი არ გადადგმულა. რაც უფრო დრო გადის, უფრო და უფრო მცირეა იმედი იმისა, რომ ობიექტური გამოძიება მოხდება ამ საქმისა,“ - აცხადებს აფგან მუხთარლის ადვოკატი არჩილ ჩოფიკაშვილი.