თბილისის საქალაქო სასამართლომ თავდაცვის ყოფილი მინისტრი დავით კეზერაშვილი კიდევ ერთ ბრალდებაში გაამართლა. კეზერაშვილი ბიზნესმენებისთვის ქონების ჩამორთმევის საქმეზე გამართლდა.

მოსამართლის გადაწყვეტილებით, ბრალდების მხარის მიერ წარდგენილი მტკიცებულებები არ იყო საკმარისი დავით კეზერაშვილის ბრალეულობის დამტკიცებისთვის.

სახელმწიფო ბრალდება თავდაცვის ყოფილ მინისტრ დავით კეზერაშვილს ბიზნესმენების თამაზ და ზურაბ ნიჟარაძეებისთვის ქონების უკანონოდ ჩამორთმევას ედავებოდა.