თბილისის საქალაქო სასამართლომ საქართველოს მესამე პრეზიდენტი მიხეილ სააკაშვილი სანდრო გირგვლიანის საქმეზე დამნაშავედ სცნო და მას სამი წლით თავისუფლების აღკვეთა მიუსაჯა.

განაჩენს გამოეხმაურა სააკაშვილის ადვოკატი სოფიო გოგლიჩიძე და აღნიშნა, რომ ამ განაჩენით საქართველოს კონსტიტუცია დაირღვა:

„დღეს დაირღვა საქართველოს კონსტიტუცია. აშკარად იკითხება, რომ მიხეილ სააკაშვილის მიმართ პოლიტიკური დევნა მიმდინარეობს. შეუძლებელი იყო, რომ საქმეში არსებული მტკიცებულებებით გამამტყუნებელი განაჩენი დამდგარიყო, რომ არ ყოფილიყო კანონს მიღმა გადაწყვეტილებები მიღებული“, - განაცხადა სოფიო გოგლიჩიძემ.

ჯერჯერობით უცნობია გაასაჩივრებს თუ არა დაცვის მხარე განაჩენს, რადგან ადვოკატის განცხადებით მას მიხეილ სააკაშვილთან ჯერჯერობით კომუნიკაცია არ ჰქონია.