საქართველოს პროკურატურამ, სახელმწიფო უსაფრთხოების სამსახურის მიერ პანკისში ჩატარებული სპეცოპერაციისას, მოქალაქე ჯანმრთელობის დაზიანებასთან დაკავშირებით გამოძიება დაიწყო.

პროკურატურის პრესსამსახურის ხელმძღვანელის, ნათია სუხიაშვილის განცხადებით, გამოძიება საქართველოს სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით, სპეციალური დანიშნულების რაზმის წევრების მხრიდან სამსახურებრივი უფლებამოსილების ძალადობით შესაძლო გადამეტების ფაქტზე მიმდინარეობს.

„ამჟამად ტარდება ყველა გადაუდებელი საპროცესო და საგამოძიებო მოქმედება. შედეგების შესახებ დამატებით ეცნობება საზოგადოებას“, – აღნიშნა სუხიაშვილმა.

დუისში სპეცოპერაციისას დაჭრილი 19 წლის თემირლან მაჩალიკაშვილი რეანიმაციულ განყოფილებაში მართვით სუნთქვაზე იმყოფება.