არ გაგიკვირდეთ, ჩემს ლიკვიდაციაზეც თუ გაიგებთ

არ გაგიკვირდეთ, ჩემს ლიკვიდაციაზეც თუ გაიგებთ - ბუტა რობაქიძის დედა

სამართალი - 17:40, 15 Dec, 2017

5570

2004 წელს დიდუბის პანთეონთან მოკლული ბუტა რობაქიძის დედა, ია მეტრეველი "სამართალდამცველების რეფორმირების ცენტრის" მიერ მის წინააღმდეგ პროკურატურაში სარჩელის შეტანას ეხმაურება და ამბობს, რომ სარჩელი მისი ღირსების შელახვას ემსახურება.
მეტრეველი სასამართლოში სარჩელის შეტანას აპირებს:

„ამ ორგანიზაციის და ზვიად კუპრავას მიერ შეტანილი განცხადება პროკურატურაში ჩემი ღირსების შელახვას ემსახურება. ეს ყველაფერი დაკავშირებულია მიმდინარე სასამართლო პროცესებთან. გინდ პროკურატურაში შეიტანონ საჩივარი და გინდ სტრასბურგში გადააგზავნონ, არანაირი პრობლემა არ არის.

ვაპირებ სასამართლოში შევიტანო განცხადება კუპრავას და ამ ორგანიზაციის წინააღმდეგ ღირსების შელახვისთვის. მათ არაერთხელ სცადეს მტკიცებულებების და სიმართლის გარეშე ჩემი სახელი შელახონ.

ამიტომაც, სასამართლოზე საქვეყნოდ მოუწევთ ბოდიშის მოხდა. ბრალდება ეხება იმას, რომ თითქოს „ქომაგში“ თანხების არამიზნობირივი ხარჯვა მიმდინარეობდა. მოგეხსენებათ, ქომაგის დამფუძნებელი მე გახლდით. ეს სრული სისულელე და აბსურდია, ეს ყველაფერი ემსახურება იმას, რომ როგორმე ჩემზე მოხდეს ზემოქმედება. არ გამიკვირდება და არ გაგიკვირდეთ, თუკი ჩემს ლიკვიდაციაზეც გაიგებთ.

გახსოვთ, ალბათ ზურა ვაზაგაშვილს რაც უქნეს. ახლა ჯერი ჩემზეა და მთელი ეს "ნაციონალური მოძრაობის" მანქანა მე მიპირისპირდება იმის გამო, რომ ცოტა დრო დარჩათ, რადგან ძალიან მალე დაიჭერენ. ამის გამო ხდება ჩემზე შეტევა", - განაცხადა მეტრეველმა.