"ადვოკატთა ასოციაციაში" ჩატარებული არჩევნების შედეგებს კანდიდატები სასამართლოში ასაჩივრებენ

სამართალი - 09:40, 11 Dec, 2017

1463

ადვოკატების ნაწილი "ადვოკატთა ასოციაციაში" ჩატარებული არჩევნების შედეგებს სასამართლოში გაასაჩივრებს. უფლებადამცველები აცხადებენ, რომ არჩევნები გაყალბდა, ისინი კენჭისყრის გაბათილებას ითხოვენ.

„ზაზა ხატიაშვილი პაჩკას ერთი და იგივე ბიულეტენების, ერთ-ერთ კომისიის წევრს, რომელიც დავიჭირეთ სწორედ ამ ბიულეტენებით, ართმევს და იდებს პალტოში. დაფიქსირდა არა ერთი ფაქტი ბიულეტენების ჩაგდების მცდელობის, მაგრამ ეს ვერ მოხერხდა. ამის მერე მოხდა ყუთების დალუქვა, აღმოჩნდა ხუთით მეტი ბიულეტენი, ანუ ბალანსი არ დაემთხვა ამომრჩეველს გაცემულ ბიულეტენებსა და ჩაყრილ ბიულეტენებს შორის,“ - განაცხადა "ადვოკატთა ასოციაციის" თავმჯდომარეობის კანდიდატმა დავით ლანჩავამ.

ბრალდებებს სიცრუესა და ცილისწამებას უწოდებს ხატიაშვილი. მისი თქმით, ლანჩავა კენჭისყრის პროცესის ჩაშლას მიზანმიმართულად ცდილობდა. ის დღეს საგანგებო ბრიფინგის ჩატარებას გეგმავს.

„შემოვარდა ლანჩავა და ჩქარა შუქი ითიშება, ჩქარა ბიულეტენები უნდა ჩაყარონ, ჩქარა ყუთები დალუქეთ და ამით პროცესი დაძაბა. შუქი არ ჩამქრალა, მოიგონა ლანჩავამ ეს, ასევე მოიგონა, რომ მე ბიულეტენები ჯიბეში ჩავიდე. ლანჩავამ დაინახა, რომ აგებდა, ის პირველ მეორე ადგილზე ვერ გადიოდა და მოინდომა ამ მართლაც ძალიან გამჭვირვალე პროცესისთვის ჩრდილის მიყენება,“ - აცხადებს"ადვოკატთა ასოციაციის" ყოფილი თავმჯდომარე ზაზა ხატიაშვილი.