ფეხბურთის მსაჯის გარდაცვალების საქმეზე, ლანჩხუთის „გურიას“ დირექტორის მოადგილე დაიკითხა

სამართალი - 20:41, 09 Dec, 2017

2235

ფეხბურთის მსაჯის გარდაცვალების საქმეზე, ლანჩხუთის „გურიას“ დირექტორის მოადგილე დაკითხიდან გამოვიდა. 8 საათიანი დაკითხვის შემდეგ ზუგდიდის სამხარეო პოლიციასთან შეკრებულ ჟურნალისტებს გარდაცვლილი მსაჯის საქმეზე ერთ-ერთი მთავარმა მოწმემ ნუგზარ ჩხაიძემ განუცხადა, რომ კითხვები გარდაცვლილი მსაჯის, ილო ტუღუშის, სახლიდან გამოყვანას შეეხებოდა.

ჩხაიძე აცხადებს, რომ ტუღუშთან ვალის გამო იმყოფებოდნენ. რაც შეეხება გარიგებულ თამაშების საკითხს, მოწმემ საკითხი გამორიცხა.

„ხელი მოვაწერე გაუთქმელობის პირობას. იყო დამატებითი კითხვები, თუმცა გამოძიების ინტერესებიდან გამომდინარე, კითხვების შინაარსზე ვერ ვისაუბრებ“, - აღნიშნა ჩხაიძემ.

ილო ტუღუში მალთაყვაში, ზღვის პირას მდებარე ნაძვნარში, გარდაცვლილი 7 დეკემბერს იპოვეს.

33 წლის მსაჯის ოჯახი იხსენებს, რომ ეროვნული ჩემპიონატის მსაჯს სიკვდილის წინა დღეს, სამმა პირმა სახლში მიაკითხა და მისგან ფულს ითხოვდნენ.

გარდაცვლილის მეუღლე ზეწოლის მიზეზად გაყიდული საფეხბურთო თამაშს ასახელებს.

გარდაცვლილის მეუღლემ გამოძიებას იმ პირების ვინაობაც დაუსახელა, ვინც, მათი თქმით, მსაჯს მოკვლით ემუქრებოდა.