ევროსასამართლოს გაუჩნდა კითხვები სწორედ იმ თემებზე, რაზეც ჩვენ ვდაობთ

ევროსასამართლოს გაუჩნდა კითხვები სწორედ იმ თემებზე, რაზეც ჩვენ ვდაობთ - R2-ის ადვოკატი

სამართალი - 18:22, 09 Dec, 2017

2270

სამაუწყებლო კომპანია რუსთავი2-ისიურისტი, თამთა მურადაშვილი,სტრასბურგის სასამართლოს მიერ რუსთავი2-ის საქმის დასაშვებობის განხილვის დაწყებას ეხმაურება და ამბობს, რომ სასამართლოს ნამდვილად გაუჩნდაკითხვები სწორედ იმ თემებზე, რაზეც კომპანის იურისტები დაობენ.

„ეს კითხვები არის საინტერესო იმიტომ, რომ ჩანს, რომ სასამართლოს ნამდვილად გაუჩნდა კითხვები სწორედ იმ თემებზე, რაზეც ჩვენ ვდაობთ, რაზეც ჩვენ ვამბობდით, რომ ნამდვილად იყო დარღვეული. ეს არის ძალიან მნიშვნელოვანი ეტაპი, ე.წ. კომუნიცირების ეტაპი, რომელსაც ჩვენ ველოდებოდით. ეს ეტაპი არის მნიშვნელოვანი იმიტომ, რომ დავინახავდით, სასამართლო რა კითხვებით მიმათავდა მთავრობას, იუსტიციის სამინისტროს და გავიგებდით მინიშნებებს, თუ რა საკითხებით დაინტერესდა სასამართლო,“ - აცხადებს მურადაშვილი.

მისი თქმით, ყველა სადაო მუხლთან დაკავშირებით სასამართლომ დასვა კითხვები, რომელთა უმრავლესობა ყადაღასთან არის დაკავშირებული.

„სასამართლო სვამს კითხვას, რამდენად პროპორციული იყო სარჩელის უზრუნველყოფის ღონისძიება, ლახავს თუ არა ეს სიტყვის თავისუფლებას, მძიმე ფინანსურ წნეხს შეეძლო თუ არა, გამოეწვია არხისთვის სიტყვის თავისუფალი გავრცელების შეზღუდვა.

სტრასბურგის სასამართლო კითხვებს მოსამართლეების დამოუკიდებლობასთან დაკავშირებითაც სვამს. კერძოდ, აქცენტი კეთდება სამ მოსამართლეზე, პირველი ინსტანცია თამაზ ურთმელიძე, უზენაეს სასამართლოში თავმჯდომარე, ნინო გვენეტაძე და ასევე, უზენაესი სასამართლოს მოსამართლე, მზია თოდუა,“ - განაცხადა ადვოკატმა.