თბილისის საქალაქო სასამართლომ 51-ე სკოლის მოსწავლეების მკვლელობის საქმეზე ბრალდებულ არასრულწლოვნებს აღკვეთის ღონისძიების სახით პატიმრობა შეუფარდა.

სხდომა დახურულ რეჟიმში მიმდინარეობდა.

მოსამართლემ პროკურატურის შუამდგომლობა, პატიმრობის შესახებ დააკმაყოფილა. დაცვის მხარე ბრალდებულების აღკვეთის ღონისძიების გარეშე დატოვებას ითხოვდა.

შემთხვევა 1 დეკემბერს, ხორავას ქუჩაზე მომხდარი სისხლიანი გარჩევის შედეგად 51-ე სკოლის ორი მოსწავლე გარდაიცვალა. სამართალდამცავებმა ცხელ კვალზე დანაშაულში ეჭვმიტანილი, 2001 წელს დაბადებული მოზარდი დააკავეს, მიმდინარეობს კიდევ ერთი ეჭვმიტანილის სამძებრო სამუშაოები.

დღესვე, ცნობილი გახდა, რომ დანაშაულის დაფარვისთვის შსს-მ კიდევ სამი პირი დააკავა.