შინაგან საქმეთა სამინისტროს განცხადებით ესპანეთში მიმდინარე სპეცოპერაციაში ქართული მხარეც ჩართულია, უწყების ინფორმაციით, სპეცოპერაცია ჯერ დასრულებული არაა და დამატებითი ცნობები და დეტალები, მათ შორის დაკავებულთა რაოდენობაც მოგვიანებით გახდება ცნობილი.

ესპანური მედიის ცნობით მადრიდსა და კატალონიაში ქართული მაფიის წინააღმდეგ სპეცოპერაცია მიმდინარეობს. ინფორმაციას მედია ადგილობრივ პოლიციაზე დაყრდნობით ავრცელებს. ოპერაციის ფარგლებში 20-მდე პირის დაკავება მოხდა, მათ შორის არის ე.წ კრიმინალური ავტორიტეტის კახა შუშანაშვილის მეუღლეც.