"მამიდაშვილის მკვლელობაში ბრალდებულს გაუპატიურების მცდელობაშიც ედება ბრალი"

"მამიდაშვილის მკვლელობაში ბრალდებულს გაუპატიურების მცდელობაშიც ედება ბრალი" - სასტიკი მკვლელობის დეტალები

სამართალი - 14:13, 27 Nov, 2017

22488

მამიდაშვილის სასტიკ მკვლელობაში ბრალდებული რობერტ ახალაია განაჩენის მოლოდინშია.
სასამართლო სხდომა თბილისის საქალაქო სასამართლოში დახურულ რეჟიმში მიმდინარეობს. 19 წლის ანა ხელაძის მკვლელობაში ბრალდებულს აღკვეთის ღონისძიების სახით პატიმრობა აქვს შეფარდებული.

დღეს სასამართლოს წინაშე ბრალდებისა და დაცვის მხარეები შესავალი სიტყვით წარდგებიან. ი აცხადებს, რომ ახალაიას განზრახ მკვლელობასთან ერთად გაუპატიურების მცდელობაშიც ედება ბრალი.

"ბრალი ედება გაუპატიურების მცდელობაში და დამამძიმებელ გარემოებაში განზრაზ მკვლელობაში განსაკუთრებული სისასტიკით და სხვა დანაშაულის დაფარვის მიზნით"- აცხადებს პროკურორი.

ბრალდებულის ადვოკატი ოლგა გეჯაძე კი რობერტ ახალაიას მოთხოვნით კომენტარს არ აკეთებს.

დღევანდელ სხდომაზე სავარაუდოდ ის ექსპერტიზის დასკვნაც გასაჯაროვდება, რომეიცც ბრალდებულ რობერტ ახალაიას ჯანმრთელობისა და მათ შორის ფსიქიკური მდგომარეობასაასახავს.

შეგახსენებთ, რომ 19 წლის ანა ხელაძე 16 ივლისს, უზნაძის ქუჩაზე მოკლეს. მკვლელობაში ბრალდებული რობერტ ახალაია სამართალდამცავებმა ფოთში დააკავეს.

სასტიკი მკვლელობა დაახლოებით 17:00-ზე მოხდა. სამის მასალების მიხედვით, ამ დროს, რობერტ ახალაია და ანა ხელაძე სახლში მარტო იმყოფებოდნენ. ბინის პატრონი, რომელიც ანა ხელაძის დეიდა იყო, ხოლო რობერტ ახალაიას მამიდა, ფოთში საკუთარ მცირეწლოვან შვილებთან ერთად იყო წასული.

საქმის პროკურორმა გრიგოლ ბიბილაშვილმა განაცხადა, რომ ექსპერტიზის წინასწარი დასკვნით ხელაძეს 8 ჭრილობა აქვს მიყენებული.

როგორც პროკურორმა აღნიშნა, ბრალდებულმა 19 წლის გოგონას ყელისა და კისრის არეში დანით მრავლობითი ჭრილობები მიაყენა, შემდეგ ტანსაცმელი გამოიცვალა, ზურგჩანთაში მოათავსა და მიიმალა.

პროკურორის თქმით, ახალაია მის მიერ მიცემული ჩვენებით, დანაშაულს ფაქტობრივად, აღიარებს.

”თავიდან არ მინდოდა პოლიციაში მისვლა, მაგრამ მერე ფოთში რომ ჩავედი და ღამე გავათენე, ზღვაზე პოლიციაც რომ მოვიდა, გავყევი და გზაში მივხვდი, რომ ასე ჯობდა,” - აღნიშნა სასამართლოზე თავად ბრალდებულმა.