სპეცოპერაციისას დაკავებული პირი სამ ტერორისტთან ერთად, გაბრიელ სალოსის ქუჩაზე ცხოვრობდა

სპეცოპერაციისას დაკავებული პირი სამ ტერორისტთან ერთად, გაბრიელ სალოსის ქუჩაზე ცხოვრობდა - პროკურატურა

სამართალი - 14:36, 24 Nov, 2017

3213

საქართველოს მათავარი პროკურატურის ინფორმაციით, ანტიტერორისტული სპეცოპერაციისას დაკავებული პირი სამ ტერორისტთან ერთად, გაბრიელ სალოსის ქუჩაზე ცხოვრობდა:
"გამოძიებით დადგინდა, რომ ს.დ. სამ თანამზრახველთან ერთად ქ.თბილისში ბერი გაბრიელ სალოსის ქუჩაზე მდებარე ერთ-ერთ საცხოვრებელ ბინაში დაბინავდა, სადაც ის და მისი თანამზრახველები მართლსაწინააღმდეგოდ, ტერორისტული მიზნით შეძენილ დიდი რაოდენობით ფეთქებად ნივთიერებებს, საბრძოლო მასალას, ასაფეთქებელ მოწყობილობებს და ცეცხლსასროლ იარაღს ინახავდნენ.
სამართალდამცველებმა ოპერატიული ინფორმაციის საფუძველზე ს.დ. ქ.თბილისში, 2017 წლის 21 ნოემბერს დააკავეს. დაკავებისას მას მართლსაწინააღმდეგოდ შეძენილი ცეცხლსასროლი იარაღი და საბრძოლო ვაზნები აღმოაჩნდა.
ს.დ.-ს დაკავების შემდგომ, ქ.თბილისში ბერი გაბრიელ სალოსის ქუჩაზე მდებარე ერთ-ერთ საცხოვრებელ ბინაში მყოფმა სამმა ტერორისტმა უარი განაცხადა სამართალდამცველთა მოთხოვნაზე - ბინის კარის გახსნასა და იარაღის ჩაბარებაზე. მათ ააფეთქეს ხელყუმბარები და ცეცხლსასროლი იარაღებიდან სამართალდამცველების მიმართ გახსნეს ინტენსიური ცეცხლი, რა დროსაც ჯანმრთელობის სხვადასხვა ხარისხის დაზიანება მიიღო საქართველოს შინაგან საქმეთა სამინისტროს და სახელმწიფო უსაფრთხოების სამსახურის სპეციალური დანიშნულების რაზმის ხუთმა წევრმა, ხოლო ერთი მათგანი მიღებული დაზიანების შედეგად გარდაიცვალა.
ს.დ.-ს წარედგინა ბრალდება საქართველოს სისხლის სამართლის კოდექსის 3231-ე მუხლის პირველი ნაწილით (ცეცხლსასროლი იარაღის, საბრძოლო მასალის, ფეთქებადი ნივთიერებისა და ასაფეთქებელი მოწყობილობის მართლსაწინააღმდეგო შეძენა, შენახვა, ტარება, ტერორისტული მიზნით) და 328-ე მუხლით (უცხო ქვეყნის ტერორისტულ ორგანიზაციაში გაერთიანება და ტერორისტულ საქმიანობაში მისი დახმარება), რაც სასჯელის სახედ და ზომად 10-დან 17 წლამდე ვადით თავისუფლების აღკვეთას ითვალისწინებს.
საქმეზე საქართველოს სახელმწიფო უსაფრთხოების სამსახურში გრძელდება გამოძიება საქართველოს სისხლის სამართლის კოდექსის 323-ე მუხლის მესამე ნაწილით, 3231-ე მუხლის პირველი ნაწილით და 328-ე მუხლით"- აღნიშნულია უწყების მიერ გავრცელებულ განცხადებაში.
თბილისში გაბრიელ სალოსის ქუჩაზე სპეცოპერაციისას დაკავებული რუსეთის მოქალაქის პროცესი დახურულ რეჟიმში მიმდინარეობს. ბრალდებულის ადვოკატი აცხადებს, რომ მისი დაცვის ქვეშმყოფი თავს უდანაშულოდ მიიჩნევს და დუმილის უფლებას იყენებს. პროკურორის განცხადებით კი, ბრალდებული ტერორისტულ ორგანიზაციაში გაწევრიანდა და ჰქონდა შეიარაღება.

ბერი გაბრიელ სალოსის გამზირზე სპეცოპერაციის დაკავებულ პირსშედეგად დაკავებული პირი რუსეთის მოქალაქეა, მას ბრალი პროკურატურამ გუშინ წაუყენა.