"პოლიტიკური საქმე" - ჩაბუქის ადვოკატი საქალაქოს გადაწყვეტილებას სააპელაციო სასამართლოში გაასაჩივრებს

სამართალი - 17:07, 21 Nov, 2017

1465

პოლიტიკური საქმე - ასე უწოდებს თბილისის საქალაქო სასამართლოს მიერ მუსატაფა ემრე ჩაბუქისა და მისი ოჯახისათვის ლტოლვილის სტატუსის მინიჭების საკითხზე გაოტანილ განაჩენს ადვოკატი სოსო ბარათაშვილი.

ადვოკატის შეფასებით, ასამართლო არ აღმოჩნდა მზად სამართლიანი გადაწყვეტილების მისაღებად.

„მიუხედავად იმისა, რომ უამრავი აღნიშნულთან დაკავშირებით საერთაშორისო დასკვნა არსებობს, მათ შორს სახალხო დამცველისა და არასამთავრობო ორგანიზაციების, სასამართლომ მაინც ეს გადაწყვეტილება მიიღო. ბუნებრივია, გადაწყვეტილებას სააპელაციო სასამართლოში გავასაჩივრებთ. თუ საქართველოს სასამართლოებში სამართალს ვერ მივაღწევთ, მივმართავთ ადამიანის უფლებათა ევროპულ სასამართლოს.

ცხადია, ეს საქმე პოლიტიკური ხასითისაა. ეს თურქეთის სახელმწიფოს მოთხოვნაა და როგორც ჩვენთვისაა ცნობილი, თურქეთისა და საქართველოს უმაღლესი თანამდებობის პირების შეხვედრებზე განიხილებოდა .

როგორც ჩანს, ჩვენი სახელმწიფო არ არის იმისთვის მზად, რომ ამგვარ საკითხებზე ობიექტური და სამართლიანი გადაწყვეტილება მიიღოს“, - განაცხადა სოსო ბარათაშვილმა.

მოსამართლემ დემირელის კოლეჯის ხარისხის მართვის მენეჯერისა და მისი ოჯახისთვის ლტოლვილის სტატუსის მინიჭების შესახებ, დაცვის მხარის მოთხოვნა არ დააკმაყოფილა.