"გიულენს არ ვიცნობ, არც პირადად შემხვედრია, მის წიგნებში ტერორიზმზე არც ერთი წინადადება არ შემხვედრია"-ჩაბუქი

სამართალი - 14:48, 20 Nov, 2017

1887

დემირელის კოლეჯის ერთ-ერთი ხელმძღვანელმი მუსტაფა ემრე ჩაბუქი ამბობს, რომ "არც საქართველოში და არც თურქეთში არც ლეგალური და არც არალეგალური შეხება ტერორისტებთან არ აქვს".
"15 წელია საქართველოში ვარ. მე და ჩემი მეუღლე ვმუშაობთ საქართველოში. მასწავლებელის გარდა, კოლეჯში ხელმძღვანელ თანამდებობასაც ვიკავებ. აქ მუშაობის მანძილზე 300-მდე თანამშრომელთან ერთად ვმუშაობდი, 1000-მდე მოსწავლე მყავდა, რომელმაც დაამთავრა კოლეჯი. ძალადობასთან არანაირი კავშირი არ მაქვს არასდროს მქონია არავისთან ჩხუბი. მე ისეთი ადამიანი ვარ, რომ ძალადობა ჩემგან, ჩემი ბუნებისგან ძალიან შორსაა, თურქეთში მე მაბრალებენ, რომ თითქოს კავშირში ვარ ტერორისტებთან. ამით შეურაცხყოფა მომაყენეს. არც საქართველოში და არც თურქეთში არც ლეგალური და არც არალეგალური შეხება ტერორისტებთან არ მაქვს. მე არ ჩამიდენია დანაშაული, მაგრამ გაჩვენებენ რომ ჩავიდინე. გიულენს საერთოდ არ ვიცნობ. არც პირადად შემხვედრია. წიგნებიდან ვიცი მის შესახებ. მის წიგნებში არასდროს არ ამომიკითხავს ერთი წინადადება მაინც ტერორიზმზე. დემირელის კოლეჯის პატრონი, მეწილე და მფლობელი ის არ არის", - აღნიშნა ჩაბუქმა.