საქართველოს შინაგან საქმეთა სამინისტროს ყოფილი თანამშრომლის გიორგი ონიანის საქმეზე სასამართლო გადაწყვეტილებას დღეს გამოაცხადებს. თავად ონიანი აცხადებს, რომ საქმეში მტკიცებულებები არ არსებობს და აქედან გამომდინარე, მას გამამართლებელი განაჩენის იმედი აქვს:

"თუ პროკურატურა შეძლებს და თავს შეიკავებს უკანონო ჩარევისგან, თუ არ მოხდება უკანონო კომუნიკაცია სასამართლოსთან, მტკიცებულებებზე დაყრდნობით, შესაძლებელია მხოლოდ ერთადერთი განაჩენის გამოტანა და ეს არის გამამართლებელი განაჩენი," - აცხადებს გიორგი ონიანი.

მას პროკურატურა რამდენიმე მუხლით ედავება, მათ შორისაა, უკანონო დაკავების, სამსახურებრივი უფლებამოსილების გადამეტებისა და მტკიცებულებათა ფალსიფიკაციის ბრალდებები.