ადვოკატი გიორგი ჩივიაშვილი ვანო მერაბიშვილს შეხვდა. მან ე.წ მატროსოვის ციხე, რამდენიმე წუთის წინ დატოვა და პირველი კომენტარიც გააკეთა.

"ჩვენ ველოდებით სტრასბურგის გადაწყვეტილებას, რის შემდეგადაც, ვფიქრობთ, ხელისუფლება იძულებული იქნება ვანო მერაბიშვილი გაათავისუფლოს პატიმრობიდან"- განაცხადა ჩივიაშვილმა მისი დაცვისქვეშ მყოფთან შეხვედრის შემდეგ.

“მისთვის ისედაც ცნობილი იყო, რომ ეს ვადა დგებოდა ნოემბერში, ახლა ჯერი ხელისუფლებაზეა. მისი დაკავება გამომდინარეობდა სუფთა პოლიტიკური მიზნებიდან, შესაბამისად მის გათავისუფლებაში ძალიან დიდი მნიშვნელობა ექნება პოლიტიკურ დატვირთვას. ჩვენ ველოდებით სტრასბურგის გადაწყვეტილებას, რის შემდეგადაც ვფიქრობთ, ხელისუფლება იძულებული იქნება მერაბიშვილი გაათავისუფლოს პატიმრობიდან. ეს იქნება უდო, თუ ვადაზე ადრე გათავისუფლება კომისიის მიერ, თუ სხვა ფორმით, ამაზე ახლა გამიჭირდება პასუხის გაცემა. რაც შეეხება პროცედურებს, პროცედურა არ ითვალისწინებს, რომ მიმართოს ვადაზე ადრე გათავისუფლების კომისიას. ეს არის მათი ვალდებულება და შესაბამისად, კანონის უხეში დარღვევა იქნება, თუ ამას არ გააკეთებენ. ნოემბრის თვეში ეს ვადა მოსულია, ეს იქნება ნოემბრის ბოლოს თუ დეკემბრის დასაწყისში, ჩემთვის ძნელია ახლა ამის თქმა",-განაცხადა ჩივიაშვილმა.