ბექა ხახუბიას დაღუპვის საქმეზე გორის სასამართლოში ტრაილერის და ევაკუატორის მძღოლებს კითხავენ

სამართალი - 18:40, 01 Nov, 2017

2744

ბექა ხახუბიას დაღუპვის საქმეში ბრალდებული საპატრულო პოლიციის თანამშრომლების პროცესი გორის რაიონულ სასამართლოში 2 საათზე მეტია მიმდინარეობს. „ნიუპოსტის“ კორესპონდნეტის ცნობით, დღევანდელ სხდომაზე ბრალდების მხარის მოწმეთა დაკითხვა გრძელდება. იკითხება გიორგი ღლონტი, რომელიც ტრაილერის მძღოლია. მან სასამართლო პროცესზე თქვა, თუ როგორ გადაკეტა გზა და ვისი მოთხოვნით, ასევე სად გაჩერდა ევაკუატორი და სად იდგა ამ დროს საპატრულო პოლიციის ავტომანქანა. ღლონტმა ისაუბრა იმ საფრთხეებზე, რომელიც, მისი თქმით, მომხდარი ავტოსაგზაო შემთხვევის დროს მას ემუქრებოდა. ბრალდების მხარეს აინტერესებდა, დარჩენილი იყო თუ არა გასასვლელი ტრაილერით გზის გადაკეტვის შემდეგ და დაინახავდა თუ არა მას გარდაცვლილი. როგორც მოწმემ სასამართლო პროცესზე განაცხადა, ევაკუატორი ისე იდგა, რომ გასასვლელი არ ჩანდა. დღევანდელ პროცესზე ევაკუატორის მძღოლის დაკითხვაც იგეგმება.
შგახსენებთ, საპატრულო პოლიციის ყოფილ თანამშრომლებს, რომლებსაც უფლებამოსილება შეუჩერდათ, ნუკრი ხაბელაშვილს, გიორგი სადაღაშვილს და ზურაბ რუსიშვილს ბრალი სსსკ-ის 116- ე და 333-ე მუხლებით წარედგინათ, რაც გაუფრთხილებლობით სიცოცხლის მოსპობას და სამსახურებრივი უფლებამოსილების გადამეტებას გულისხმობს. პარლამენტის დეპუტატის შვილი, გორთან ახლოს, ავტომაგისტრალზე მდებარე გვირაბთან, 17 მაისს ძლიერი შეჯახებისას გარდაიცვალა.