"გაკვირვება თავის განაჩენზე გამოხატოს, მოსამართლე ბუგიანიშვილი პროკურატურის ინტერესებს ასახავს"- მიხეილ რამიშვილი

სამართალი - 15:47, 27 Oct, 2017

1790

მამა გიორგი მამალაძის ადვოკატი მიხელ რამიშვილი, "ციანიდის საქმის" მოსამართლის ბესიკ ბუგიანიშვილის ურჩევს "უფრო მეტი იმსჯელოს მის მიერ გამოტანილ განაჩენზე". ამ განცხადებით, რამიშვილმა "ნიუპოსტთან" ბუგიანიშილის იმ განცხადებას უპასუხა, რომლის მიხედვითაც მოსამართლე გაკვირვებას გამოთქვამს, თუ რატომ არ მისცა პროკურატურას დაცვის მხარემ ჩვენება.

ბრალდებული დეკანოზის ადვოკატი აცხადებს, რომ მოსამართლე ირიბად მიუთითებს, რომ სწორედ დაცვის მხარემ გაასაჯაროვა დახურული სხდომის ოქმი.

"ის არაპირდაპირ, ირიბად მიუთითებს ჩვენსკენ. ეს ცოტა აბსურდია და მე მიმაჩნია. რაც შეეხება ჩვენების არ მიცემას, საპროცესო კოდექსში პირდაპირ წერია, რომ არ შეიძლება მოწმე დაკითხული იყოს, რომელიც საქმესთან შემხებლობაშია.მე მესმის ბესიკ ბუგოანიშვილის, ის ყოველთვის ისე მოქმედებს, როგორც ეს პროკურატურის ინტერესებშია. ჯობდა გაკვირვება თავის განაჩენზე გამოხატოს. ჩვენ კანონით ვიმოქმედეთ"- აღნიშნა რამიშვილმა.

ე.წ. ციანიდის საქმის მოწმეების ჩვენებების მედიასაშუალებებში გავრცელების ფაქტზე დღეს თბილისის პროკურატურაში საქმის მოსამართლე ბესიკ ბუგიანიშვილი გამოიკითხა.

ბუგიანიშვილმა გამოკითხვის შემდეგ განაცხადა, რომ მისთვის გაუგებარია თუ რატომ არ მისცა დაცვის მხარე პროკურატურას ჩვენება. მისი თქმით, აქედან დასკვნა საზოგადოებამ უნდა გამოიტანოს.