"პატრულის თანამშრომლების არაკანონიერ ქმედებას შეეწირა"- ბექა ხახუბიას ძმა

სამართალი - 15:14, 27 Oct, 2017

4407

გორის რაიონული სასამართლოზე გორის გვირაბთან დაღუპული ბექა ხახუბიას ძმა, გიორგი ხახუბიას დაკითხეს, რომელიც შემთხვევის ადგილზე ერთ-ერთი პირველი მივიდა.

გიორგი ხახუბიმ განაცხადა, რომ პატრულის თანამშრომლების არაკანონიერ ქმედებას შეეწირა მისი ძმის სიცოცხლე.

გიორგი ხახუბიას განცხადებით, ოჯახი სატელევიზიო შოუებში მონაწილეობას არ აპირებს.

„ეს იყო ღამე რომელიც ყველაზე ტრაგიკულია ჩვენი ოჯახის ისტორიაში. ჩემი ძმის 21 წლის ახალგაზრდას სიცოცხლე ახლა უკვე ყოფილი პოლიციელების უგუნურმა დამოკიდებულებამ შეიწირა. ბექა ხახუბია არის და იქნება ამ ქვეყნის სამაგალითო შვილი. გთხოვთ, ნურავინ ეცდება ბექა ხახუბიას სახელის ლაფში ამოსვრას. ჩვენ არ გვცალია თქვენთან სატელევიზიო შოუების გასამართად. ჩვენ უფრო მნიშვნელოვანი საქმე გვაქვს. მე მჯერა,რომ ტვირთი,რომელიც ბექას საქმეზე ადამიანებს ადევთ მხრებზე, მჯერა,რომ უფლის წინაშე პასუხს აგებენ.“-"-განაცხადა გიორგი ხახუბიამ.

საპატრული პოლიციის მიერ გზის გადაკეტვის დროს დაღუპული ხახუბიას საქმეზე, ასევე დაიკითხებიან პატრულის თანამშრომლები.

საპატრულო პოლიციის ყოფილ თანამშრომლებს, რომლებსაც უფლებამოსილება შეუჩერდათ, ნუკრი ხაბელაშვილს, გიორგი სადაღაშვილს და ზურაბ რუსიშვილს ბრალი სსსკ-ის 116- ე და 333-ე მუხლებით წარედგინათ, რაც გაუფრთხილებლობით სიცოცხლის მოსპობას და სამსახურებრივი უფლებამოსილების გადამეტებას გულისხმობს. პარლამენტის დეპუტატის შვილი, გორთან ახლოს, ავტომაგისტრალზე მდებარე გვირაბთან, 17 მაისს ძლიერი შეჯახებისას გარდაიცვალა.