ბიზნეს წილები და თაღლითური სქემა - რა კავშირი აქვს ნანა ყეინიშვილს „გორგიას“ მფლობელთან, რომლის გატაცებაც იგეგმებოდა

სამართალი - 17:40, 13 Oct, 2017

10576

"გორგიას" დირექტორის, გია გორგოშაძის ყოფილი მეუღლის ნინო დარსელიას ადვოკატი არჩილ ჩუბინიძე „ნიუპოსტთან“ ამბობს, რომ მის კლიენტს ნამდვილად აქვს კონფლიქტი ბიზნესმენ გორგოშაძესთან, რადგან ყოფილ მეუღლეებს შორის ქონებრივი დავა 3 წელის მიმდინარეობს.

ადვოკატი სამქესან დაკავშირებით სკანდალურ განცხადებას აკეთებს და ამბობს, რომ „პასუხისგებაში არის მისაცემი გია გორგოშაძე და ნანა ყეინიშვილი".

“ვვარაუდობთ, რომ სწორედ გია გორგოშაძის მითითებით შეიძლება ყოფილიყო ნინო დარსალიას მიმართ პოლიციის მხრიდან გამოჩენილი ინტერესი. სხვა ლოგიკა არ ჯდება, რა კავშირი შეიძლება ჰქონოდა ნინო დარსალიას გორგოშაძის წინააღმდეგ, რაღაცა სხვა ქმედებაში. ნინო დარსალიას ნამდვილად აქვს კონფლიქტი გია გორგოშაძესთან, დაწყებულია გამოძიება, წლების განმავლობაში მიმდინარეობს ეს გამოძიება. რამდენიმე ტომია შექმნილი ამ საქმეზე და სავარაუდოდ, პასუხისგებაში არის ამ საქმესთან დაკავშირებით გია გოგროგაშძე და ნანა ყეინიშვილი მისაცემი,“ - განაცხადა ნინო დარსალიას ადვოკატმა არჩილ ჩუბინიძემ.

მისი თქმით, განქორწინების შემდეგ გია გორგოშაძემ ყოფილ მეუღლეს გარკვეული რაოდენობის თანხა გამოართვა და უთხრა, რომ თანხას ოქროს ბიზნესში დააბანდებდა.

„ნინო დარსალია ყოფილ მეუღლეს მის წინააღმდეგ ჩადენილ ქონებრივი თაღლითობის გამო ედავება. ამ საქმეში ფიგურირებს ნანა ყეინიშვიული, გორგოშაძის სასარგებლოდ. როცა ქალბატონი ნინო და ბატონი გორგოშაძე განქორწინდნენ, იყო გარკვეული ქონება, ბიზნესის სახით, რაც ნინო დარსალიას ეკუთვნოდა, რომელიც თაღლითურად აღარ გადასცა გორგოშაძემ. ამის პარალელურად, გია გორგოშაძემ დარსალიას კუთვნილი ფული, საკმაოდ სოლიდური თანხა გამოართვა და მისცა ნანა ყეინიშვილს, რომელიც იმ პერიოდში საქართველოში წითელი ჯვრის ხელმძღვანელი იყო. გორგოშაძე აცხადებდა რომ ეს თანხა ოქროს ბიზნესში უნდა ჩაედო ყეინიშვილს. არც ოქროს ბიზნესი არსებობს. ამის წერილობითი მტკიცებულები არსებობს. გორგოშაძე ამბობს, რომ ყეინიშვილს მისცა, ყეინიშვილი კი ამბობს, რომ მომცა და უკან დაუბრუნეო, თუ საერთოდ არ მოუციაო“- განაცხადა "ნიუპოსტთან" ადვოკატმა.

რაც შეეხება უშუალოდ ჰიპერმარკეტ ”გორგიას” დირექტორის გია გორგოშაძის გატაცების მცდელობას.

დაკავებულ ოთხივე პირს ბრალი ოფიციალურად წაუყენეს. ვასილი ვასილიადი, გურამ დგებუაძე, მენთეშაშვილი და ფოცხიშვილი ბრალს არ აღიარებენ და დუმილის უფლებას იყენებენ.

ბიზნესმენის ყოფილი მეუღლე ნინო დარსალია მომხდართან დაკავშირებით კომენტარს არ აკეთებს. ცნობილია, რომ ჩხრეკა ჩატარდა გია გორგოშაძის ყოფილი მეუღლის სახლშიც.