ე.წ. ციანიდის საქმის ადვოკატი არ გამორიცხავს, მედიაში გასული აუდიოჩანაწერი საპატრიარქოდან გავრცელებულიყო

სამართალი - 12:34, 04 Oct, 2017

1799

თბილისის მთავარ პროკურატურაში ე.წ. ციანიდის საქმეზე მსჯავრდებული დეკანოზ გიორგი მამალაძის ადვოკატების დაკითხვა დაიწყო. უწყებამ გამოძიება „შაბათის კურიერში" გასული იმ რეპორტაჟის შემდეგ დაიწყო, რომელიც პატრიარქის მდივან-რეფერენტის, შორენა თეთრუაშვილის სასამართლო ჩვენებას ეხებოდა.

პროკურატურა ცდილობს დაადგინოს, როგორ აღმოჩნდა მედიის ხელში ე.წ. ციანიდის საქმის საიდუმლო მასალები. თბილისის პროკურატურაში უკვე მივიდა მიხეილ რამიშვილი. გამოძიება დაწყებულია სსკ-ის 374-ე მუხლით.

დეკანოზის ადვოკატი არ გამორიცხავს, რომ სასამართლოზე მიცემული ჩვენება, რომელიც მედიაში გავრცელდა, საპატრიარქოდან გასულიყო.

„არსებობს მრავალი გზა და წყარო გარკვეული ინფორმაციის მოსაძიებლად. არსებობს სასამართლო და პროკურატურა. ჯერ თავიანთი შიდა სამზარეულოდან დაიწყონ მოძიება და მერე გამოჩნდება ყველაფერი. ძალიან ბევრია შუამავალი იყო გამოყენებული. არ გამოვრიცხავ, რომ საპატრიარქოს გარკვეულ პირებსაც მიუწვდებოდეთ ხელი ჩანაწერებზე ეს არ არის გამორიცხული, რადგან მოგეხსენებათ, ძალიან შეხმატკბილებულად მოქმედებენ ბრალდების და გარკვეული პირები საპატრიარქოდან. არიან აგრეთვე საპატრიარქოს მეგობრები შორენა თეთრუაშვილის, რომლებიც წინასწარ ასაჯაროვებდნენ გარკვეულ მოვლენებს და ასევე ოქროს მოწმე, რომელიც მჭიდრო კავშირშია ძალოვან უწყებებთან“, - განაცხადა მიხეილ რამიშვილმა უწყებაში შესვლამდე.