იტალიასა და გერმანიაში ქართული დანაშაულებრივი კლანის წარმომადგენლები დააკავეს. ამის შესახებ ინფორმაციას იტალიური მედია ავრცელებს. La Stampa-ს ცნობით დამანშავეებმა 85 სახლი და ოფისი ე.წ „ბულგარული გასაღების“ გამოყენებით გაქურდეს. დაკავებულია 28 ადამიანი, ისინი სახლებს და ოფისებს ტურინის, სავონას, ალესანდრიას, კუენოს და პავიას პროვინციებში ქურდავდნენ.

იტალიელი სამართალდამცავების თქმით დამნაშავეები ქუთაისის კლანის წარმომადგენლები არიან. გამოძიების ფარგლებში სამართალდამცავებმა რეჯიო ემილიაში საცავი აღმოაჩინეს, სადაც ისინი საქართველოში გამოგზავნამდე ნაქურდალ ნივთებს ინახავდნენ, ამავე შენობაში იყო საწვრთნელი ოთახიც, სადაც ისინი კარის სწრაფად გაღებაში ვარჯიშობდნენ.