ე.წ. ციანიდის საქმე და პროკურატურის შანტაჟი - ,,საზოგადოებამ მოისმინა, რომ საქმეში მესამე პირები არ არსებობდნენ"

სამართალი - 14:24, 21 Sep, 2017

1417

ე.წ. ციანიდის საქმეზე მსჯავრდებული გიორგი მამალაძის უფლებადამცველი აცხადებს, რომ ბრალდების მხარე სასამართლო პროცესების დახურვას იმ მოტივით ითხოვდა, რომ არ სურდა საზოგადოებას მოესმინა იმ მოწმეების ჩვენებები, რომლითაც დაკავებულის უდანაშაულობა მტკიცდებოდა.

"პროკურატურა სასამართლო სხდომების დახურვას იმიტომ ითხოვდა, თითქოს საქმე მესამე პირების პირად ცხოვრებას შეეხებოდა. დღეს საზოგადოებამ კიდევ ერთხელ მოისმინა, რომ საქმეში მესამე პირები არ არსებობდნენ. ეს ადამიანები მამა გიორგის ახლობლები იყვნენ. მიზანმიმართულობა, რომ სხდომები საჯარო არ ყოფილიყო იყო ერთადერთი: საზოგადოებას ის ჩვენებები არ მოესმინა, რა ჩვენებებიც მისცეს ე.წ ბრალდების მოწმეებმა"- განაცხადა რამიშვილმა "ნიუპოსტთან".

რაც შეეხება უშუალოდ ფოტოებს, რომლითაც დეკანოზი მამალაძის მტკიცებით მას პროკურატურა აშანტაჟებდა, ადვოკატის თქმით, ყველა ეს ფოტო სოციალურ ქსელში, ფოტოზე ასახულმა პირებმა თავისი სურვილით გამოაქვეყნეს სოციალურ ქსელში.

"მაგალითად გოგონა ე.წ პენუარით სათამაშოებთან ერთად. ეს ფოტოები ამ გოგონას გამოქვეყნებული აქვს თავის სოციალურ ქსელში. დეკანოზმა ეს გოგონა გააფრთხილა როგორც მღვდელმა, რომ არ იყო სასურველი მსგავსი ფოტოების სოციალურ ქსელში არსებობა. სტიქაროსანი, რომელიც სასულიერო პირად აღიქვა ბრალდებამ, დღესაც მოდელობის საქმით არის დაკავებული და სოციალურ ქსელში დებს ფოტოებს. კიდევ ერთ ფოტოს რაც შეეხება, ის 2006 წელს მამა გიორგი მამალაძის სასულიერო პირობამდეა გადაღებული. ყველაზე კომიკური კი ის არის, რომ საქმეში უდევთ გოგონასთან გადაღებული ფოტო, რომელიც მამაოს დისშვილია"- თქვა რამიშვილმა.

ტელეკომპანია პირველი ე.წ ციანიდის საქმის ექსკლუზიურ აუდიო ჩანაწერს აქვეყნებს.

დეკანოზი პირადი ცხოვრების ამსახველ იმ მასალებზე საუბრობს. საუბარია 4 ფოტოზე, რომლებსაც, დეკანოზის მტკიცებით, პროკურატურა მიტროპოლიტ დიმიტრი შიოლაშვილსა და პატრიარქს აჩვენებდა და მისი პირადი ცხოვრების შესახებ არასწორ ინფორმაციას აწვდიდა.