ბეჟან გუნავას საქმის განხილვა, რომელიც ადმინისტრაციული წესით გუშინ დააკავეს, 5 ოქტომბრამდე გადაიდო. გუნავა სასამართლო დარბაზიდან გაათავისუფლეს. სასამართლო პროცესი დაცვის მხარის შუამდგომლობის საფუძველზე გადიდო. დაცვის მხარემ მასალების გადაცემ და დამატებითი მტკიცებულებების მოპოვება მოითხოვა.

ბეჟან გუნავას განცხადებით, მისი დაკავება უკანონოდ მოხდა:

"ჩემს დაკავებას წინ უძღოდა დარტყმა წელის არეში და სიტყვიერი შეურაცხყოფა. 100 მეტრი მათრიეს ხელბორკილდადებული. მომაყენეს დაზიანებები. ეს ყველაფერი დაფიქსირებულია დროებითი მოთავსების იზოლატორში ჩატარებული შემოწმებისას. დარწმუნებული ვარ, ამ საქმეში აუცილებლად გავმართლდები, თუმცა ვიბრძოლებ იმისთვის, რომ დაისაჯონ ის პოლიციელები, რომლებმაც ჩემზე იძალადეს", - განაცხადა ბეჟან გუნავამ.