თბილისის საქალაქო სასამართლოში დღეს „ქრონიკა პლიუსის“ მთავარი რედაქტორის ელისო კილაძის შვილის, დავით ხარშილაძის დასკვნითი სხდომა გაიმართება.

სასამართლოს მიერ გადაწყვეტილების გამოტანამდე, ხარშილაძე საბოლოო სიტყვას წარმოთქვამს. ხარშილაძე სისხლის სამართლის საქმეს აბსურდულს უწოდებს და ქრონიკა პლიუსის რედაქტორის საქმიანობას უკავშირებს.

ელისო კილაძის შვილს პროკურატურა ნარკოტიკული საშუალების შეძენა, შენახვა, დამზადება, გადაზიდვა, გადაგზავნასა და გასაღებას ედავება.

„ვაპირებ, რომ დადასტურებულად მოსამართლეს ავუხსნა რატომ იყო ეს პოლიტიკური დევნა. რომელი ჯგუფის მიერ იდევნებოდა ჩემი ოჯახი, ეს გაზეთ და რას მოჰყვა ჩემი დაკავება. მოლოდინი მაქვს ცალსახად დადებითი, ველოდები გამამართლებელ განაჩენს, იმიტომ, რომ ეს საქმე არის ფაქტობრივად განულებული,“-განაცხადა დავით ხარშილაძემ.