ახალი სკანდალური ჩანაწერი ,,კორტების საქმეში" - ფირცხალავას ოჯახი პრეზიდენტს მიმართავს

სამართალი - 12:12, 15 Sep, 2017

5666

ე.წ „კორტების სპეცოპერაციის“ საქმეზე მსჯავრდებული პოლიციის მაღალჩინოსნის ირაკლი ფირცხალავას მეუღლემ ჟურნალისტებთან ახალი აუდიოჩანაწერი გაასაჯაროვა. ჩანაწერში კრიმინალური პოლიციის ყოფილილ მაღალჩინოსანი ირაკლილ ფირცხალავა კობა გოგოტიშვილზე საუბრობს, რომელიც მის საქმეში, ბრალდების ერთ-ერთი მთავარი მოწმეა. როგორც ფირცხალავა აცხადებს, გოგატიშვილი ცრუ მოწმეა და მას შემხებლობა არა „კორტების საქმესთან“ , არამედ იური ვაზაგაშვილის მკვლელობის საქმესთან აქვს, ამიტომ ის საგამოძიებო უწყებებმა სწორედ ამ საქმესთან დაკავშირებით უნდა დაკითხონ.

ნინო ხვიტიას თქმით მისი ოჯახი დევნის ობიექტია, ამიტომ ის პრეზიდენტს მოქალაქეობის ჩამორთმევუს თხოვნით მიმართავს, რათა შემდეგ პოლიტიკური თავშესაფარი მოითხოვონ.

"მივმართავთ პრეზიდენტს, დაგვეხმაროთ მოქალაქეობის ჩამორთმევაში, ამის შემდეგ მოვითხოვთ პოლიტიკურ თავშესაფარს. ჩვენს ოჯახს დევნიან. ჩემი მეუღლე ამბობს, რომ სანამ იური ვაზაგაშვილი იყო ცოცხალი, მოწმე კობა გოგატიშვილმა მოისმინა, რომ იგეგმებოდა მისი მკვლელობა. ჩემი მეუღლე ითხოვს ამ ამბის გამოძიებას, სასწრაფოდ. თუ დაკითხავენ, დეტალურად მოყვება. ჩემს მეუღლეს ეს ინფორმაცია ადვოკატისგან აქვს. ამის შესახებ თავად გოგატიშვილი საუბრობდა. მან ამაზე სახალხო დამცველთან ისაუბრა", - განაცხადა ჟურნალისტებთან ნინო ხვიტიამ.