შინაგან საქმეთა სამინისტროს ინფორმაციით, ქობულეთში, გუშინ ღამით ოთხი პირის ცემაში ძალოვანი ან სამართალდამცავი უწყებების თანამშრომელთა მონაწილეობა არ ფიქსირდება.

უწყებაში "ნიუპოსტს" განუცხადეს, რომ მომხდარის მონაწილე პირთა იდენტიფიცირება უკვე მოახდინეს. შსს-ს ინფორმაციით, ამ ეტაპზე, არავინ დაუკავებიათ.

გამოძიება სისხლის სამართლის კოდექსის 126-ე მუხლით მიმდინარეობს.

4 ახალგაზრდას ფიზიკურად გუშინ გაუსწორდნენ. დაზარალებულების თქმით, სანაპიროზე საირნობისას მათ "პიკაპის" ტიპის ავტომანქანა მიუახლოვდა, იქიდან გადმოსულმა ათამდე ადამიანმა კი, მათ ფიზიკური შეურაცხყოფა მიაყენა.

მათი თქმით, თავდამსხმელები სამართალდამცავი ორგანოს, კონკრეტულად კი, სპეციალური დანიშნულების რაზმის წარმომადგენლები იყვნენ.