"შეცვალე ჩვენება, მიიღებ 30 ათას დოლარს"- რას აცხადებს "კორტების საქმის" სკანდალური მოწმე

სამართალი - 15:27, 09 Sep, 2017

3399

ვაჟა გოგატიშვილი, რომელიც ე.წ კორტების სპეცოპერაციის საქმეზე მოწმის სტატუსი აქვს აცხადებს, რომ აღნიშნულ საქმეზე ბრალდებული ირაკლი ფირცხალავას ოჯახის წევრები მას ჩვენების შეცვლას აიძულებდნენ და მოითხოვდნენ რომ ეთქვა, თითქოს მას პროკურატურას ჩვენება ზეწოლის შედეგად მისცა. საგანგებო განცხადება გოგატიშვილმა დღეს ვაზაგაშვილების ოჯახის ადვოკატების ოფისში გააკეთა.

„იყო sms-ები, იყო ზეწოლა, იყო მუქარები sms-ების სახით, რათა მე შევხევდროდი ფირცხალავას ოჯახის წევრებს. შევხვდი მე იმ ადამიანს და საუბარი დაიწყო ჩვენს შორის, შეცვალე ჩვენება, მიიღებ 30 ათას დოლარს, რომელიც მაქვს. საზღვარგარეთ გექნება უზრუნველყოფილი ცხოვრება. შეცვლი, იტყვი ამას, რომ შენ მიხვედი მოგვიანებით კორტების სპოეცოპერაციაზე. რა ჩვენებაც გაქვს სასამართლოსთვის მიცემული, ის არ არის სრული სიმართლე და არის სიმართლე ეს. იტყვი, რომ პროკურორებისგან იყო ზეწოლა და ამის გულისთვის შენ მიეცი ცრუ ჩვენება, შევდიოდით სახალხო დამცველთან და მაშინ მითხრა, გახსოვს რაც გითხარიო, აბა მომიყევიო, მეც რაც თვითონ მითხრა და მეწერა, მისთვის სასარგებლო, ის მოვუყევი მანქანაში. ამის შემდეგ შედის 10-15 წუთის შემდეგ გამოდის და შევყავარ მე, მეუბნებიან დაწერე რაც ნინომ გითხრა. მე ვუთხარი ცუდად ვარ , ხვალ დამიკავშირდით და დავწერ რაც ჩვენ ვილაპარაკეთ“ - განაცხადა კობა გოგატიშვილმა.