აშშ-ში დაკავებული ავთანდილ ხურციძის დედა შვილის გათავისუფლებას ელოდება

აშშ-ში დაკავებული ავთანდილ ხურციძის დედა შვილის გათავისუფლებას ელოდება - სასამართლო დღეს გაიმართება

სამართალი - 10:18, 08 Sep, 2017

4094

ამერიკის შეერთებულ შტატებში დაკავებული სპორტსმენის, ავთანდილ ხურციძის სასამართლო პროცესი დღეს გაიმართება.

სპორტსმენის დედა, შვილის გათავისუფლებას ელოდება. მაყვალა ხურციძე მის უდანაშაულობაში დარწმუნებულია და ამბობს, რომ ის განზრახ დააკავეს.
„როცა წინა ორთაბრძოლაში ჩემპიონის ქამარი ავთომ მოიპოვა, მისმა მოწინააღმდეგემ უთხრა, დაბრუნდი შენს ქუთაისშიო. ის მილიონერია და დააჭერინა, რომ მომდევნო ორთაბრძოლა არ გამართულიყო"- ამბობს ხურციძე.

ოჯახის ინფორმაციით, სასამართლო პროცესი საქართველოს დროით დღეს ღამის 12:00 საათზე გაიმართება.

„ადვოკატი გაეცნო მასალებს და არაფერი არ არის. ვიდეოზე, რაზეც იყო საუბარი პროკურატურის მხრიდან, წინასწარი პატიმრობის განმავლობაში მოვიტანთ ამ ვიდეოსო და არაფერი არ არის ასეთი. დატოვეს წინასწარ პატიმრობაში იმიტომ, რომ ტელეფონზე აქვს ნალაპარაკები და ესეც უნდა შევისწავლოთო. გირაოთი უნდა გამოსულიყო, მაგრამ იქითა მხრიდან გაწელეს, არ აგზავნიდნენ მასალებს. 99% როგორც ადვოკატი ამბობს, გაათავისუფლებენ,“ - განაცხადა ხურციძის მეგობარმა, მერაბ დვალიშვილმა.

ქართველი სპორტსმენი მიმდინარე წლის ივნისში ნიუ იორკშიდააკავეს. მას ბრალად ე.წ. შულაიას კრიმინალური სინდიკატის წევრობა ედება. გამოძიების მტკიცებით, ხურციძე არაერთ მძიმე დანაშაულშია მხილებული.