სხდომის დაწყებამდე კომენტარი დეკანოზის ადვოკატებმაც გააკეთეს.
პაატა მეხრიშვილმა ჟურნალისტებთან, გუშინ „კურიერის“ მიერ გავრცელებულ კადრებზე ისაუბრა და განაცხადა აღნიშნულმა კადრებმა კიდევ ერთხელ დაადასტურა, დეკანოზთან შეგზავნილი იყო აგენტ-პროვოკატორი ირაკლი მამალაძის სახით, რომელსაც დეკანოზის ფარულად ჩაწერა სურდა. რაც შეეხება საუბრის ერთ-ერთ ყველაზე ბუნდოვან ნაწილს „ტკბილეულის მოყვარულის“ შესახებ, ადვოკატი აცხადებს, გუშინ გავრცელებული კადრებით დადგინდა, აღნიშნულ თემაზე თავად ირაკლი მამალაძე საუბრობს.
„ჩანაწერში დეკანოზი არ საუბრობს მსგავს რამეს. საუბრობს პროვოკატორი, რომელიც შეგზავნილი იყო დეკანოზის ფარულად ჩასაწერად. რაც შეეხება შორენას „მარილზე გაშვებას,“ დეკანოზი საუბრობს მამა გაბრიელის წინასწარმეტყველებაზე იმის შესახებ, რომ შორენა თეთრუაშვილი გაგიჟდება“ - განაცხადა ადვოკატმა.
მასალის გამოყენების პირობები






