არ დასტურდება, რომ თეთრუაშვილის სიცოცხლეს საფრთხე ემუქრებოდა, არც ის, რომ დეკანოზი ამ დანაშაულის შემსრულებელი იყო

არ დასტურდება, რომ თეთრუაშვილის სიცოცხლეს საფრთხე ემუქრებოდა, არც ის, რომ დეკანოზი ამ დანაშაულის შემსრულებელი იყო - ადვოკატი

სამართალი - 13:14, 01 Sep, 2017

4405

ბოლო დროის ერთ-ერთი ყველაზე სკანდალური საქმის ბოლო პროცესი თბილისის საქალაქო სასამართლოში საათზე მეტია რაც მიმდინარეობს.
დეკანოზ გიორგი მამალაძის ადვოკატი პაატა მეხრიშვილი აღნიშნავს, რომ "ვერც ერთი მტკიცებულებით ვერ დასტურდება, რომ შორენა თეთრუაშვილის სიცოცხლეს საფრთხე ემუქრებოდა და ვერც ის, რომ მამა გიორგი მამალაძე იყო ამ დანაშაულის აღმსრულებელი".
ადვოკატს მოლოდინი აქვს, რომ მოსამართლე მოწოდების სიმაღლეზე იქნება და ამ საქმეზე სწორ და სამართლიან განაჩენს გამოიტანს.
მეხრიაშვილი აცხადებს, რომ არსებული მტკიცებულებებიდან გამომდინარე, დეკანოზი გიორგი მამალაძე გამართლდება.

„საქმეში არსებული მტკიცებულებების გამოკვლევის შედეგად ფაქტობრივი და სამართლებრივი ანალიზით ჩვენ დავრწმუნდით, რომ ვერც ერთი მტკიცებულება ვერ ადასტურებს ქმედების შემადგენლობის ვერც ერთ ელემენტს - ვერც იმას, რომ საფრთხე ემუქრებოდა ვინმეს სიცოცხლეს და ჯანმრთელობას, მით უფრო შორენა თეთრუაშვილის სიცოცხლეს და ვერც იმას, რომ მამა გიორგი მამალაძე იყო ამ დანაშაულის აღმსრულებელი და საკუთარი ხელითა და გონებით უნდა განეხორციელებინა ის ქმედება, რაც მას ბრალად ედება“, - განაცხადა პაატა მეხრიშვილმა.