"ციანიდის საქმე"- ბრალდების მხარე იმედოვნებს, რომ დეკანოზის მიმართ გამამტყუნებელი განაჩენი დადგება

სამართალი - 11:03, 01 Sep, 2017

1331

თბილისის საქალაქო სასამართლოში ე.წ. ციანიდის სამეზე დასკვნითი სხდომა იწყება. სხდომის დაწყებამდე ჟურნალისტებთან რეზონანსული საწმის პროკურორმა განცხადება გააკეთა.

ბრალდების მხარე იმედოვნებს, რომ დეკანოზ გიორგი მამალაძის მიმართ გამამტყუნებელი განაჩენი დადგება.

ზვიად გუბელაძე აცხადებს, რომ მოწმეების ჩვენებებისა და მტკიცებულებებიდან გამომდინარე, მოსამართლემ გამამტყუნებელი განაჩენი უნდა გამოაცხადოს.

”დავკითხეთ 100-ზე მეტი მოწმე. გამოვიკვლიეთ 10 ტომი წერილობითი მტკიცებულებები, ასევე აუდიო-ვიდეო ჩანაწერი, კომპიუტერული ექსპერტიზების შედეგად აღდგენილი ფაილებიც, რომლებიც ადასტურებენ მამალაძის ბრალეულობას. გვაქვს გონივრული მოლოდინი და ვართ დარწმუნებულები, რომ მამალაძის მიმართ დადგება აუცილებლად გამამტყუნებელი განაჩენი. დაცვას მხოლოდ ერთი და ისიც დისკრედიტებული მოწმე - ირაკლი ფირცხალავა ჰყავდა წარმოდგენილი, რომელსაც არ უსაუბრია არც ერთ ფაქტობრივ გარემოებაზე, შესაბამისად, დასკვნით სიტყვაში რა უნდა იყოს სიახლე, ჩემთვის გაუგებარია”, - განაცხადა პროკურორმა.

გუბელაძე აღნიშნას, რომ დეკანოზის სიტყვა სიახლის შემცველი არ იქნება.

„მან ბევრჯერ თქვა, რომ მნიშვნელოვანს იტყოდა, თუმცა არაფერი უთქვამს“, - აღნიშნა გუბელაძემ.