გურიაში მომხდარ ავტოკატასტროფაში ბრალდებულ უცხოეთის მოქალაქეს სასამართლომ წინასწარი პატიმრობა შეუფარდა

სამართალი - 12:41, 28 Aug, 2017

7774

ყაზახეთის მოქალაქეს ემჟან ემჟანოვს, რომლის ტრაილერზე არსებული მისაბმელის მოწყვეტამ, გასულ კვირას, თბილისის ბათუმის ავტომაგისტრალის ლანჩხუთის მონაკვეთზე 5 ადამიანის სიცოცხლე იმსხვერპლა, ოზურგეთის რაიონულმა სასამართლომ ორთვიანი წინასწარი შეუფარდა.

გამოძიება ემჟანოვს ტრანსპორტის მოძრაობის უსაფრთხოების და ექსპლუატაციის წესის დარღვევას ედავება, რომელმაც ხუთი ადამიანის სიცოცხლის მოსპობა გამოიწვია სსკ-ის 276-ე მუხლის მე-7 ნაწილით.

თბილისის ბათუმის საავტომობილო გზაზე ჩიბათის მონაკვეთზე (სოფელი ლანჩხუთის მუნიციპალიტეტში) 24 აგვისტოს, დილის 3 საათზე მოხდარი ავტოსაგზაო შემთხვევის შედეგად 5 ადამიანი დაიღუპა ერთი კი მძიმედ დაშავდა.

არსებული ინფორმაციით, ყაზახეთიდან თურქეთში მიმავალ სატვირთო მანქანას მისაბმელი მოწყდა, რომელიც მსუბუქ ავტომობილს დაეჯახა.

მსუბუქ ავტომანქანაში ქობულეთიდან სურამში, დასასვენებლად მიმავალი ერთი ოჯახის წევრები იმყოფებოდნენ.

უბედური შემთხვევის შედეგად მხოლოდ ოჯახის ბაბუა გადარჩა, რომელიც ამ დროისთვის ლანჩხუთში „მედალფას" სამედიცინო ცენტრშია მოთავსებული, მისი მეუღლე, შვილი, რძალი და შვილიშვილები ადგილზე გარდაიცვალნენ.