ფოტოგრაფმა, დაავადებასთან მებრძოლი ადამიანების სიცოცხლის ბოლო მომენტები აღბეჭდა (ფოტოკოლაჟი)

ეს საინტერესოა - 11:02, 30 Jan, 2019

4249

ოთხი წლის წინ, ფოტოგრაფმა ენდრიუ ჯორჯმა , ლოს-ანჯელესის ერთერთი საავადმყოფოს დირექტორს უცნაური თხოვნით მიმართა. მას სურდა, მძიმედ დაავადებული ადამიანების ბრძოლა აღებეჭდა.

„ამ პროექტით მინდოდა განსაკუთრებული ადამიანები ფირზე აღმებეჭდა, ისინი, ვინც სიცოცხლისთვის იბრძოდნენ, ხელები არ ჩამოუშვეს, ბევრი ტკივილი განიცადეს, მაგრამ მაინც იბრძოდნენ“ - ამბობს ფოტოგრაფი.

ფოტოგმირებიდან ცოცხალი მხოლოდ ერთი ქალი გადარჩა.

საგამოფენო დარბაზში, ფოტოებს თან ახლავს გმირების იმედები, ოცნებები, მათი ბედნიერი მომენტები და ის, რისი თქმაც ძალიან სურდათ.

სალი ენდრიუს მოუყვა, რომ ის თავის ძმებსა და დებზე ზრუნავდა და ვერც კი შენიშნა, როგორ ანადგურებდა კიბო.

ნელიმ აღიარა, რომ მან ბევრი განსაცდელი გამოიარა, თუმცა არაფერს ნანობდა. დაავადებას კი, ოჯახში დაბრუნების სურვილით ებრძოდა. ის ერთადერთი ადამიანია, რომელიც ცოცხალი გადარჩა მათ შორის, ვისაც ენდრიუ უღებდა ფოტოებს.

„რა მშვენიერი დღეა. ვხედავ, როგორ არხევს ქარი ფოთლებს და ბედნიერი ვარ, რომ ამ მომენტამდე მოვაღწიე“ - ეს ირენის სიტყვებია.

„ჩემი ცოლი არ იყო ჩემი ცხოვრების ყველაზე დიდი სიყვარული“ - განაცხადა ჯეკმა. ის იაპონელ გოგონას შეხვდა და დაქორწინებასაც აპირებდნენ, თუმცა ომის დროს კავშირი გაწყვიტეს.