თბილისში, ჭონქაძის ქუჩაზე დღეს მკვლელობა მოხდა. როგორც ცნობილია 47 წლის მამაკაცს მოტოციკლით მოძრავმა პირმა ცეცხლსასროლი იარაღიდან ესროლა და შემთხვევის ადგილიდან მიიმალა.

დაშავებული სასწრაფო-სამედიცინო დახმარების ბრიგადამ ორთაჭალაში, „ნიუ ჰოსპიტალში“ გადაიყვანა, თუმცა, მამაკაცი საავადმყოფოში მიყვანამდე გარდაიცვალა.

გარდაცვლილის ვინაობა ცნობილია, იგი 1979 წელს დაბადებული კ.ძ. გახლავთ. „ნიუ ჰოსპიტალთან“ გარდაცვლილის ახლობლები არიან შეკრებილნი, თუმცა, მედიისთვის კომენტარს არ აკეთებენ.

საქმეზე გამოძიება სისხლის სამართლის კოდექსის ორი მუხლით მიმდინარეობს. 108-ე - განზრახ მკვლელობა და 236-ე - იარაღის უკანონო ტარება.