დეპუტატის შვილის დაღუპვის საქმეზე პოლიციის 3 თანამშრომელს ბრალი წარუდგინეს

სამართალი - 12:00, 11 Aug, 2017

14165

ფოთის მაჟორიტარი დეპუტატის, ირაკლი ხახუბიას შვილის ავტოსაგზაო შემთხვევევის საქმეზე, რასაც 21 წლის ბექა ხახუბია ემსხვერპლა, საპატრულო პოლიციის სამ თანამშრომელს ბრალი წარუდგინეს.

სამართალდამცავებს სამსახუობრივი უფლებამოსილების გადამეტების მუხლით ასამართლებენ.

გორის რაიონულ სასამართლოში აღმკვეთ ღონისძიების შეფარდებაზე ამ წუთებში მსჯელობენ.

როგორც "ნიუპოსტს" მთავარ პროკურატურაში განუცხადეს, სამივე მათგანს ბრალი სისხლის სამართლის კოდექსის 116-ე და 333-ე მუხლებით წარუდგინეს.

ქვეყნის მთავარი საგამოძიებო ორგანო პოლიცილებისთვის აღკვეთის ღონისძიების სახით გირაოს შეფარდებას და მათი სამსახურიდან ჩამოცილებას ითხოვს.

16-17 მაისს გორის გვირაბთან მომხდარი ავარიის შედეგად, ქართული ოცნების დეპუტატის, ირაკლი ხახუბიას 21 წლის შვილის სიცოცხლე შეეწირა. გავრცელებული ინფორმაციით, ბექა ხახუბია საპატრულო პოლიციის დევნის ოპერაციისას დაიღუპა.

ყოფილი პოლიციელი ზვიად კუპრავა აცხადებდა, რომ ხახუბია პოლიციელთა მოთხოვნას მანქანის გაჩერების თაობაზე არ დაემორჩილა, რადგან ნასვამ მდგომარეობაში იმყოფებოდა და გზა დიდი სიჩქარით გააგრძელა. ეკიპაჟი მას დაედევნა.

ზვიად კუპრავას თქმით, პოლიციამ მიიღო გადაწყვეტილება, წინაღობის მეშვეობით შეეჩერებინათ კანონდამრღვევი და გორის გვირაბის გასასვლელი ტრაილერით ჩახერგეს. ყოფილი სამართალდამცავის განცხადებით, ახალგაზრდა სწორედ ტრაილერს შეეჯახა.