ხმაური იყო თბილისის საქალაქალაქო სასამართლოში, სადაც ქურდული სამყაროს წევრობის ბრალდებით დაკავებულთა სასამართლო პროცესი მიმდინარეობს.

პროკურორის სიტყვას, სადაც მან თანხა ახსენა, რომელსაც ბრალდებულები, სავარაუდოდ, ბიზნესმენებს სძალავდნენ, ბრალდებულების პროტესტი მოჰყვა.

ბრალდებულმა გიორგი რეხვიაშვილმა პროკურორს ხმამაღლა მიმართა და სიცრუეში დაადანაშაულა.

რეხვიუაშვილმა თქვა, რომ არავისთვის თანხა არ გამოუძალავს. ბრალდებული აცხადებს, რომ წლების განმავლობაში მუშაობდა შპს ”რაზაში” და გარკვეული თანხა ასაღები ჰქონდა.

ბრალდებულსა და პროკურორს შორის ურთიერთშელაპარაკება მოსამართლემ 5-წუთიანი შესვენების გამოცხადებით განმუხტა.

ბრალდებულების ოჯახის წევრები ჟურნალისტების მიმართ აგრესიით გამოირჩეოდნენ, რის გამოც სასამართლოს ფოიეში მანდატურების დამატებითი რაოდენობის გამოძახება გახდა საჭირო.

თბილისის საქალაქო სასამართლოში ქურდული სამყაროს წევრობის ბრალდებით დაკავებული დავით და ტარიელ მახარობლიძეების და გიორგი რეხვიაშვილის სასამართლო პროცესი განახლდა.

პროკურატურა აღკვეთის ღონისძიების ფორმად პატიმრობას ითხოვს, ხოლო დაცვის მხარე სასამართლოს თითოეულ დაკავებულზე 10 000-ლარიანი გირაოს შუამდგომლობით მიმართავს.