ციანიდის საქმე - ყოფილი პოლიციელის, ირაკლი ფარცხალავას მიერ სასამართლოსთვის მიცემული სკანდალური ჩვენება პროკურატურისთვის არადამაჯერებელია.

როგორც საქმის პროკურორმა ზვიად გუბელაძემ ჟურნალისტებს განუცხადა, ფირცხალავას ინფორმაცია, რაზეც სხდომაზე ისაუბრა, მესამე პირებისგან ჰქონდა.

"თბილისის პროკურატურაში მიმდინარეობს გამოძიება ფირცხალავას მიერ გაკეთებულ განცხადებასთან დაკავშირებით. გამოძიებით დადგინდა, რომ ირაკლი ფირცხალავს მიერ გაკეთებული საჯარო განცხადებები, ასევე სასამართლო სხდომაზე მიცემული ჩვენება არ შეესაბამება რეალობას. ირაკლი ფირცხალავა საუბრობდა გადმოცემით არსებულ ინფორმაციაზე. ის არ ყოფილა კონკრეტული ფაქტის შემსწრე. ირაკლი ფირცხალავა არის მოწმე, რომელიც არაერთ სისხლის სამართლის საქმეზე დაკითხულა და არსებობს აერაერთი განაჩენი, სადაც მოსამართლე საუბრობს, რომ ირაკლი ფირცხალავა ყოველთვის სუბიექტურ მიმართულებას აძლევს ჩვენებას და მისი ჩვენება არცერთმა მოსამართლემ დღევანდელ დღემდე არ გაიზიარა,” - აღნიშნა პროკურორმა.

გუბეკლძე არ გამორიცხავს, რომ ფირცხალავას შესაძლოა პირადი მოტივი ჰქონდეს, რადგან პოლიციის ყოფილი მაღალჩინოსანი გასამართლებულია განზრახ მკვლელობის ორგანიზების საქმეზე.

ე.წ. ციანიდის საქმეში ბრალდებული დეკანოზის, გიორგი მამალაძის ადვოკატის მია ზოიძის ინფორმაციით, სასამართლოზე დაკითხვისას ირაკლი ფირცხალავამ დაასახელა კონკრეტული სახელი და გვარები, ვის საქმეშიც ირაკლი მამალაძე მონაწილეობდა როგორც აგენტი.

ზოიძე ირაკლი ფირცხალავას ჩვენებაზე დაყრდნობით ამბობს, რომ ირაკლი მამალაძე ერთ-ერთი ტელეკომპანიიდან სწორედ იმ მიზეზით გაათავისუფლეს, რომ ის ფარულად იწერდა საკუთარ თანამშრომლებს.

გარდა ამისა დაცვის მხარის კიდევ ერთი ადვოკატის, გიორგი ფანცულაიას თქმით, ფირცხალავას განცხადებით, ირაკლი მამალაძე თემურ თათარაშვილის საქმეში ფიგურირებდა.

თავად მომღერალი ინფორმაციას არ ფლობს და ამბობს, რომ კარგი იქნებოდა თუ მეტ დეტალს გაიგებდა.

ფირცხალავას ბრალდების კომენტირებისას პროკურატურის ანალოგიურ განცხადებას აკეთებს საქმის მთავარი მოწმე.

ირაკლი მამალაძემ "ნიუპოსტს" უთხრა რომ პოლიციის ყოფილი მაღალჩინოსანი "გაბოროტებულია და პროკურატურასთან საკუთარი ანგარიშები აქვს".