მოსამართლემ ბრალდების შუამდგომლობა დააკმაყოფილა და სუს-იდან გამოთხოვილი დოკუმენტი საქმეს დაურთო.
“თბილისის პროკურატურაში მიმდინარეობს გამოძიება ირაკლი ფირცხალავას საჯაროდ გაკეთებულ განცხადებასთან დაკავშირებით თითქოს ირაკლი მამალაძე არის აგენტი და საიდუმლოდ თანამშრომლობდა სახელმწიფო უსაფრთხოების სამსახურთან. აღნიშნული გამოძიების ფარგლებში დადასტურდა, რომ ირაკლი ფირცხალავა აკეთებდა ცრუ განცხადებებს. შესაბამისად, წარვადგინეთ გამოძიების შედეგები სასამართლოზე. ჩვენ ირაკლი ფირცხალავასთან გვექნება კითხვები, თუ რატომ აკეთებდა ცრუ განცხადებებს”, - განაცხადა ზვიად გუბელაძემ.
ამ საქმეზე დღეს ირაკლი ფირცხალავას დაკითხვა 4 საათზე გაიმართება.
ირაკლი ფირცხალავამ ე.წ. მატროსოვის ციხიდან წერილი გამოაქვეყნა, რომელშიც დეკანოზის საქმის პროკურატურის მთავარ მოწმეს ირაკლი მამალაძეს უსაფრთხოების სამსახურის აგენტად მოიხსენიებს.
დეკანოზ გიორგი მამალაძის სასამართლო სხდომები დახურულია.
მასალის გამოყენების პირობები






