"შორენა რაღაცას ხომ არ მიჩალიჩებსო"- ფანცულაია შავშიშვილის ჩვენებას მნიშვნელოვანს უწოდებს

სამართალი - 15:12, 25 Jul, 2017

2578

ე.წ. ციანიდის საქმეზე დაკავებული დეკანოზის გიორგი მამალაძის ადვოკატი, გიორგი ფანცულაია აცხადებს, რომ დღეს თბილისის საქალაქო სასამართლოში მოწმე ტარას შავშიშვილმა გაიხსენა ეპიზოდები, რაც მამალაძის ბრალდების აბსურდულობას დაადასტურებს.

ფანცულაია შავშვილის ჩვენებას მნიშვნელოვანს უწოდებს.

ადვოკატის თქმით, მოწმწმ განაცხადა, რომ საპატრიარქოს თანამშრომლებს, მათ შორის შორენა თეთრუაშვილს ხშირად ჰქონიათ პატრიარქთან საუბარი საპატრიარქოში არსებულ დადებით და უარყოფით სიტუაციებზე.

„მან თქვა, რამ როდესაც, ჩვენ არასასულიერო პირები, ვესაუბრებოდით პატრიარქს, ის მაქსიმალირად ითვალისწინებდა საკითხებს, გარდა ისეთი საკითხებისა, რომელიც ეხებოდა სასულიერო პირს. პატრიარქის პრინციპი იყო, რომ სასულიერო პირზე გადაწყვეტილება არ მიეღო არასასულიერო პირის საუბრის შედეგად.

ამით იმის თქმა მინდა, რომ პროკურატურის მიერ ვარაუდზე აგებული ბრალდება, რომ შორენა თეთრუაშვილის გავლენით პატრიარქი თანამდებობიდან გადააყენებდა მამალაძეს, პრაქტიკულად ეს ვერსია გამოირიცხა...

მან ახსენა, რომ შორენა თეთრუაშვილი სახალხო მედიცინით მკურნალობს, მაშინ როდესაც ჩვენ გველის შხამზე ვსაუბრობთ და ის ყოველთვის მალავს, რომ მალამოებით მკურნალობს და ის ექიმებში არ დადის და ა.შ.

მან გაიხსნება ერთ-ერთი საუბარი, როდესაც გიორგი მამალაძემ თქვა, რომ ეს ქალბატონი შორენა რაღაცას ხომ არ “მიჩალიჩებსო”. მან გაიხსენა ეს კონკრეტული ფაქტი, გაიხსენა როდის იყო ეს საუბარი, სად იყო, რომელ რესტორანში. მან თქვა, რომ მას არ დაუკონკრეტებია რას გულისხმობდა “გაჩალიჩებაში”. იმიტომ რომ მან არ იცოდა იმ მომენტში იქ ციანიდზე იყო თუ არა საუბარი. მან დაადასტურა, რომ გიორგი მამალაძე ეჭვობდა ამ ფაქტთან დაკავშირებით,” - განაცხადა გიორგი ფანცულაიამ.

შეგახსენებთ, რომ შავშიშვილი ე.წ. ციანიდის საქმეზე დღეს ბრალდების მხარის მოწმის სტატუსით დაიკითხა.