"ტარას შავშიშვილი არ არის გულწრფელი"

"ტარას შავშიშვილი არ არის გულწრფელი" - პროკურორი

სამართალი - 14:01, 25 Jul, 2017

1347

ე.წ. ციანიდის საქმის პროკურორი ზვიად გუბელაძე აცხადებს, რომ მოწმე ტარას შავშიშვილმა დეტალურად არ ისუაბრა რა ნივთიერებები გადასცა ბრალდებულს.

გუნელაძე ამბობს, რომ მოწმე გულწრფელი არ იყო.

"მხოლოდ ის განაცხადა შავშიშვილმა, რომ დეკანოზს გადასცა ღვინო და ბარათი. სხვა დეტალებზე არ საუბრობს მოწმე. ფაქტია, რომ კონსპირაციულად შეხვდნენ ერთმანეთს ღამის 12 საათზე. თუ რა ეჭვები გვაქვს, თუ ვინ მიაწოდა ციანიდი დეკანოზს, ამაზე ჯერ ვერ გიპასუხებთ", - განაცხადა პროკურორმა.

პროკურორის განცახდებით, ტარას შავშიშვილი ბრალდებულის უახლოესი მეგობარია და ისინი ერთად განიხილავდნენ სხვადასხვა სტრატეგიებს, პიარ კამპანიებს, მათ შორის სხვადასხვა სასულიერო პირების დისკრედიტაციას.

“ის არის დაინტერესებული პირი. სასამართლოს სხდომაზე არ დამალა და თქვა, რომ მას გული შეტკივა გიორგი მამალაძეზე და სურს, რომ ის გამართლდეს. შესაბამისად, შავშიშვილი აკეთებდა ბრალდებულისთვის სასარგებლო ინფორმაციის ტირაჟირებას და ასეთმა მოწმემაც კი ვერ დამალა ის ფაქტი, რომ დეკანოზს და შორენა თეთრუაშვილს ჰქონდა არასახარბიელო ურთიერთობა, იყვნენ დაპირისპირებულები. მოწმე ამბობდა, რომ თეთრუაშვილი რადგანაც ერეოდა ქონების საკითხებში, ამიტომაც იყო მათ შორის ურთიერთობა დაძაბული. არსებობს არაერთი მტკიცებულება, რომ ტარას შავშიშვილი დაინტერესებული იყო სხვადასხვა სტატიის გამოქვეყნებით, მათ შორის, "სნოს" წყალის შესახებ სტატია მის მიერ არის მომზადებული, მან გადასცა ჟურნალისტს, თუმცა ამასთან დაკავშირებით პროცესზე შავშიშვილმა იცრუა", - განაცხადა პროკურორმა.