"არაფერს ამბობს, შოკშია"- მამიდაშვილის მკვლელობაში ბრალდებულის ადვოკატი დაკავებულის მდგომარეობაზე საუბრობს

სამართალი - 10:51, 19 Jul, 2017

30618

19 წლის ანა ხელაძის მკვლელობისთვის დაკავებულის ადვოკატი აცხადებს, რომ ბრალდებული დუმილის უფლებას იყენებს. როგორც რობერტ ახალაის ადვოკატმა ოლგა გეჯაძემ „ნიუიპოსტს“ განუცხადა, ბრალდებულს შეხვდა, თუმცა ის შემზარავი მკვლელობის შესახებ სართოდ არ საუბრობს.

ადვოკატი დაკავებულის ფსიქოლოგიურ მდგომარეობაზე ამახვილებს ყურადღებას და აცხადებს, რომ ახალაია შოკშია.

გეჯაძის თქმით, ბრალდებულმა სამართალდამცავებს ჩვენება ადვოკატის გარეშე მისცა. ამიტომ უფლებადამცველის თქმით, აღიარებითი ჩვენება მყარი ვერ იქნება.

„შევხვდი, თუმცა საქმესთან დაკავშირებით არაფერს ამბობს. ჯერ-ჯერობით დუმილის უფლებას იყენებს. ადვოკატის გარეშე, პოლიციისთვის აქვს მიცემული ჩვენება, თუმცა უცნობია ზეწოლის შედეგად მისცა ჩვენება თუ რა მოხდა. საქმის მასალებს ვეცნობი, ბევრი რამე გაირკვევა. დაკავებული ჩემთანაც კი ვერ საუბრობს დეტალებზე“, - განაცხადა გეჯაძემ.

განზრახ მკვლელობისთვის დაკავებულს ბრალს სავარაუდოდ დღეს წაუყენებენ.

საქმის მასალების მიხედვით 22 წლის ახალგაზრდამ, თავის მამიდაშვილს ყელი გამოჭრა და მიიმალა. ის მეორე დღეს, ფოთში დააკავეს.

ბიძაშვილ-მამიდაშვილი თბილისში, უზნაძის ქუჩაძე, ნათესავთან ცხოვრობდნენ.