"არ თანხმდება 1000 დოლარზე და 2000-ს ითხოვს"- რა ჩანაწერი გაასაჯაროვეს ოთარ აბესაძის პროცესზე

სამართალი - 13:24, 14 Jul, 2017

7626

ქრთამის აღებისთვის დაკავებული მერიის თანამშრომლის ოთარ აბესაძის სასამართლო პროცესზე პროკურორატურა აღკვეთის ღონისძიების სახით პატიმრობას ითხოვს, მიზეზად კი იმას ასახელებს, რომ დაკავებული საჯარო მოხელეა და არსებობს საქმის მოწმეებზე ზეგავლენის საფრთხე. პროკურორის ინფორმაციითვე, შესაძლოა ოთარ აბესაძესთან ერთად დანაშაულში სხვა პირებიც მონაწილეობდნენ.

"დასადგენია იმ პირთა წრე, ვისი დახმარებით გასცემდა აბესაძე დაპირებებს. შესაძლოა, დანაშაულში არის მასთან ერთად სხვა პირებიც, რაც დასადგენია" - განაცხადა პროკურორმა. ბრალდების მხარის წარმომადგენელმა საქმეში არსებული ფარულილ ჩანაწერიდან ამონარიდიც წაიკითხა:

„კაროჩე“ ახლა რა თემაა „კაროჩე“ მაგას გადაეცი მეთქი, როგორც მითხარი ძმაო სამი ათასი დოლარი, მიდი ახლა და არქიტექტურის გოგოებს მე მივხედავ, არაა პრობლემა ქონების მართვაშიც ჩავა. ის არ თანხმდება 1000 დოლარზე და 2000-ს ითხოვს "- ნათქვამია ჩანაწერში.

სასამართლო პროცესზე ცნობილი გახდა, რომ საქმეში ფიგურირებს მოპედი და ტორტი.

დაცვის მხარის განცხადებით აბესაძე ჩანაწერებში 3000 დოლარს არ ახსენებს, ამაზე მხოლოდ აგენტ-პროვოკატორი საუბრობს. ადვოკატები ოთარ აბესაძისთვის აღკვეთის ღონისძიების სახით 15 ათას ლარიან გირაოს ითხოვენ.