ე.წ. ციანიდის საქმე - სასამართლო პროცესი დღეს ბრალდების მხარის მოწმეების დაკითხვით გაგრძელდება. დაცვის მხარისთვის უცნობია ვინ წარსდგება დღეს სასამართლოს წინაშე. დეკანოზის უფლებადამცველების განცხადებით, აქამდე წარდგენილი მტკიცებულებები და მოწმეები მამა გიორგი მამალაძის ბრალეულობას ვერ ადასტურებენ.

„რამდენიმე მოწმე არის ისეთ მოწმე, რომლებიც საქმესთან შემხებლობაშია და მნიშვნელოვანია, მაგრამ მე ვიტყოდი, რომ მათი პოზიცია დაცვის მხარეს უფრო უნდა გამოადგეს, ვინაიდან ისინი პირდაპირ საუბრობენ, რომ დეკანოზ გიორგი მამალაძეს არავის მიმართ დანაშაული არ ჩაუდენია,“ - განაცხადა გიორგი ფანცულაიამ.

ბრალდების მხარეს სულ 100 მოწმე ჰყავს, მათგან ნახევარი სასამართლოს წინაშე უკვე წარსდგა.