ბაჩო სირაძე. რომელიც ნარკოდანაშაულში არის ბრალდებული მოსამართლემ 50 ათას ლარიანი გირაოს სანაცვლოდ დარბაზიდან გაათავისუფლა. ბაჩო სირაძეს ჩამოერთვა საქართველოს მოქალაქის პასპორტი და პირადობის მოწმობა და აეკრძალა 22:00 საათიდან 08:00 საათამდე მუდმივი საცხოვრებლის დატოვებაც.

ბაჩო სირაძე, რომელიც ნარკოდანაშაულისთვის 21 მაისს დააკავეს, პოლიციას ნარკოტიკის ჩადებაში ადანაშაულებს და აცხადებს, რომ მას ნარკოტიკი, რომლის ფლობასაც აბრალებენ, არც კი უნახავს:

„ჩემი არა დაკავება, არამედ გატაცება მოხდა. 4 საათის განმავლობაში არ მომცეს არც დარეკვის და არც ადვოკატებთან შეხვედრის უფლება. 4 საათის შემდეგ მიმიყვანეს განყოფილებაში, სადაც ადვოკატებმა მითხრეს, რას მედავებოდნენ. მესამე დღეს კი გავიგეთ, რომ მედავებიან განსაკუთრებით დიდი ოდენობით ნარკოტიკული საშუალების შეძენა-შენახვას რაც აბსურდია. მე სრულიად უდანაშაულო ვარ." - განაცხადა ბაჩო სირაძემ.