ფიზიკური ანგარიშსწორება ირაკლი ფირცხალავაზე - ოჯახის ცნობით დაკავებულს პროკურორი გაუსწორდა

სამართალი - 21:20, 07 Jul, 2017

5443

მთავარი პროკურატურის პროკურორს ე.წ. მატროსოსვის ციხეში ყოფილი სამარტალდამცავის ცემაში ადანაშაულებენ. ირაკლი ფირცხალავაზე ფიზიკური ანგარიშსწორების შესახებ ცოტახნის წინ გახდა ცნობილი. მის ოჯახს ინფორმაცია ამავე საპატიმროში მყოფმა ყოფილმა მაღალჩინოსანმა გიორგი ცააძემ მიაწოდა.

ცააძემ ციხიდან დარეკა და განუცხადა, რომ ფირცხალავას საკნიდან ყვირილის ხმა ესმოდა. სასჯელაღსრულების სამინისტროში ადასტურებენ, რომ სასწრაფო დახმარების ბრიგადა დღეს სწორედ ირაკლი ფირცხალავასთვის გამოიძახეს.

„კურიერის“ ინფორმაციით, აუდიოჩანაწერი, რომელიც ტელევიზიას ფირცხალავას მეუღლემ მიაწოდა, ასახულია ირაკლი ფირცხალავს მოთხოვნა დახმარების შესახებ. მისი განცხადებით პროკურორები ემუქრებიან, ზეწოლის მიზეზი კი ის წერილია, რომელიც მან ციხიდან გამოგზავნა და ე.წ. ციანიდის საქმის მთავარი მოწმე, ირაკლი მამალაძე აგენტ-პროვოკატორობაში ამხილა.

ამ წუთებში ირაკლი ფირცხალავას საკანში შესვლას სახალხო დამცველის წარმომადგენელი ელოდება. სასჯელაღსრულების მეცხრე დაწესებულება რამდენიმე წუთის წინდ ატოვა დაკავებულის ადვოკატმა. ოჯახის წევრების ინფორმაციით ფირცხალავას დაზიანებები აღენიშნება ტავზე. როგორც ადვოკატი აღნიშნავს, დაკავებულმა განაცხადა, რომ მაშნ როდესაც უნდა დაკიტხულიყო, შესაბამის ოთახში მაგისტრ მსოამართლესთან და ორ პროკურორთან ერთად იმყოფებოდა, რა დროსაც გონება დაკარგა და აღნიშნულის შემდეგ აღარაფერი ახსოვს.

„მისი მდგომარეობა ნორმალურია რაც შეეხება სიტუაციას, კოპი აქვს თავზე და ფეხზე აქვს მცირე დაზიანება, თავად ირაკლის განცხადებით, როდესაც მოსამართლე კითხავდა საკანში, მან უთხრა, რომ ცუდად იყო და ჩვენების მიცემა არ შეეძლო, გარკვეული საუბრების შემდეგ, როდესაც ტოვებდა საკანს, გაიღვიძა და ასულიერებდნენ. მას არ ახსოვს კონკრეტული სიტუაცია თუ რა მოხდა, რა მდგომარეობაში დაკარგა გონება, ვინმეს მხრიდან ჰქონდა თუ არა ადგილი შეურაცხყოფას, მისი მოთხოვნაა, რომ კამერების ჩანაწერი ამოიღონ, რათა თავადაც დარწმუნდნენ რა მოხდა და როგორ მოხდა“, - აღნიშნავს ადვოკატი მალხაზ ველიჯანაშვილი.

ფირცხალავას მეუღლის ინფორმაციით, დაკავებული უარს აცხადებს მედიკამენტურ მკურნალობაზე და სამედიცინო დაწესებულებაში სასწრაფო წესით გადაყვანაზე. გიორგი ცააძის და მისი ძმის ზარის შინაარს იხსენებს:

„დამირეკა ჩემმა ძმამ განწირული ხმით, ჩქარა მოდით ციხესთანო, ირაკლის დაარტყა პროკურორმაო, მაგრამ გვარი არ დაუსახელებია, ნახევრად არ მესოდა, გული წაუვიდა და ცუდად არისო“, - აცხადებს ირინა ცააძე.