საქართველოს პრეზიდენტის შვილის მეგობარი მიხეილ თათარიშვილი საქალაქო სასამართლომ უდანაშაულოდ სცნო. ნარკოტიკების შეძენა-შენახვის საქმეზე მოსამართლე გიორგი დარახველიძემ გამამართლებელი განაჩენი გამოიტანა.

პრეზიდენტის ქალიშვილი აცხადებს, რომ იგი დარწმუნებული იყო იმაში, რომ მოსამართლე გამამართლებელ განაჩენს გამოიტანდა, რადგან იგი უდანაშაულო იყო, ისევე, როგორც თორნიკე კაჭარავა.

„დარწმუნებული ვიყავი, რომ გამამართლებელი განაჩენი დადგებოდა, რადგან ის იყო უდანაშაულო, ისევე როგორც თორნიკე კაჭარავა, ჩემი მეგობარი, არის უდანაშაულო. დარწმუნებული ვარ, რომ მასაც გაამართლებენ უახლოეს მომავალში“, - აცხადებს ანან მარგველაშვილი.