საქართველოს პრეზიდენტის შვილის მეგობარი მიხეილ თათარიშვილი საქალაქო სასამართლომ უდანაშაულოდ სცნო. ნარკოტიკების შეძენა-შენახვის საქმეზე მოსამართლე გიორგი დარახველიძემ გამამართლებელი განაჩენი გამოიტანა.

მიხეილ თათარიშვილის მამის განცხადებით, იგი რამდენიმე დღეში სარჩელს შეიტანს იმ სამართალდამცავების მიმართ, რომლებიც უშუალოდ მონაწილეობდნენ მისი შვილის დაკავების პროცესში.

„არ ველოდი თავიდან, თუმცა, ბოლოს ისე წავიდა პროცესები, რომ ასე უნდა ყოფილიყო. მუსრს გაიგონ, რომ ასე არ შეიძლება, ადამიანს ასე უბრალოდ დააბრალო რაღაც, გადაცდომაო რომ ამბობენ, გადაცდომა შეიძლება მაგათთვის იყოს, მაგრამ დასხდნენ აბა ორი დღე და ნახონ როგორია“, - აცხადებს სასამართლო დარბაზიდან გათავისუფლებული მიხეილ თათარიშვილი.