თბილისის საქალაქო სასამართლოში ე.წ. ციანიდის საქმის არსებითი განხილვა დღეს 11:00 საათზეა ჩანიშნული.

პროცესი კვლავ ბრალდების მოწმეების დაკითხვით განახლდება. სავარაუდოდ, 10-მდე მოწმე დაიკითხება.

„დაახლოებით ოქტომბრამდე ამ რეჟიმში განვაგრძობთ მუშაობას. ხვალაც ბრალდების მოწმეები დაიკითხებიან, თუმცა მათ შესახებ ჩვენ წინასწარ არ გვაქვს ინფორმაცია. ბრალდების მიერ დასაკითხ მოწმეთა სიაში ისეთი მოწმეებიც არიან, რომლებიც სიაში ჩვენც გვყავდა შეყვანილი, თუმცა ბუნებრივია, მათ დაკითხვას ხელახლა აღარ მოვითხოვთ. მაგალითად, ადვოკატი ირმა ჭკადუა ჩვენს მოწმეებშიც შედის, მაგრამ იცით, რომ წინა სხდომაზე პროკურატურამ ის დაკითხა. ბუნებრივია, დაკითხვით ჩვენც ვისარგებლეთ და საჭიროება აღარ არის“, - განაცხადა ადვოკატმა გიორგი ფანცულაიამ.